Friday, February 20, 2009

كلام بجد


ليه الانسان مُصر يهين آدميته؟

اما كل مرة تغلط نفس الغلطة كده اهنت عقلك

اما كل مرة تصحح الغلطة بكدبة كده اهنت ذكاءك

اما تهرب من غير اعتذار كده اهنت شجاعتك

اما تعتذر لميت كده اهنت كل حاجة فيك

وقت ما غلطت كنت مش حاسس انت بتعمل ايه
،
ووقت ما اعتذرت اللى مات هو اللى مش حاسس انت بتقول ايه
..
أنا فعلا آسفة ، عدى الوقت خلاص
....

51 comments:

سابرينا said...

ووقت ما اعتذرت اللى مات هو اللى مش حاسس انت بتقول ايه
..
أنا فعلا آسفة ، عدى الوقت خلاص

مش عارفة أعتقد ان أحساس الواحد انه غلط ومش هيكرر الغلط ده تاني ده فيه عزاء للميت لانه كده انقذ واحد عايش من انك ترتكبي نفس الغلط ده معاه
!

romansy said...

ممكن يكون مش قادر يبعد خالص
علشان كده
بيحاول يقرب منك
كتير
حتى لو اضطر انه يكدب

wafaa said...

sabrina

اللى مات هو القلب
مات احساسه بالتسامح
اكدب عليكى لو قلت مش قادرة لانى ممكن اضغط عليا واقدر
بس انا فعلا مش عارفة

wafaa said...

romancy

بس وقت ما اعرف الكدب مش هصدق اى حاجة تانى حتى لو كانت صدق
ومش هثق حتى فى كلمة اخر مرة اكدب لانها ممكن تكون كدبة جديدة
:)

حسن حنفى said...

اعتقد انه ممكن لو الاعتذار صادق الميت هيحس بيه

طبعا من الاول مبدأ اني اصلح غلطه بكدبه واني كل مره اغلط نفس الغلطه مرفوض

بس دايما والحد مننا بيغلط علشان كده الاعتذار موجود بس طبعا من حق اي حد انه مش يقبل الاعتذار او انه يحتاج دليل علشان يصدقه من جديد

الازهرى said...

الكذب هو اسوأ الصفات على الاطلاق
وربما يخطىء الانسان فيكون هناك امل فى المسامحة
ولكن ان يحاول الاصلاح بالكذب
فهذا هو السقوط المريع


تحياتى دوما

maioya said...

وقت الاعتذار عمره مابيموت
لان اكيد الواحد هيتعلم
من غلطه عملها
وشعوره بالذنب هايصحيه بعد كده

wafaa said...

حسن

ممكن

wafaa said...

الازهرى

سقط من مستوى فكرى واحترامى

صوت من مصر said...

نفس الموقف بتاعى بس للاسف نفس الرد عندها
فعلا هايل يا وفاء

Che said...

تفتكرى فعلا وقت الاعتذار بيفوت ولا زى ما الاجانب بيقولوا better late than never ولا مجرد الاحساس بالاسف بيكون كفايه ؟

ليكوريكا said...

اه من الندم والشعور بالذنب

واه من الاعتذار ومراررته

واه من انك تتحمل المراره بس يكون الوقت فات

للاسف ...

صدقتي :(

Ahmed Hishmat said...

قد يعفي أحدهم نفسه من التصريح بجرحه
كي يسكت ألامه
ولا ينتظر المساومة
إلا بعد فراق دائم
لن يكسره الاعتذار
أو طول الانتظار

wafaa said...

صوت من مصر

للاسف انك خسرتها
بس اكيد اتعلمت ازاى تحافظ على حد تانى بعد كده

wafaa said...

che

اعتقد الاحساس بالاسف كفاية انه يخليك ما تغلطش تانى بس مش كفاية يمسح جرح سببته ونسيت تعتذر عنه

wafaa said...

ليكوريكا


تفيد بايه يا ندم وتعمل ايه يا عتاب

wafaa said...

احمد حشمت

وهذا هو اقسى الحلول مع انى شايفاه الحل الوحيد

حسام غانم said...

كلام قوي جدا جدا جدا

wafaa said...

maioya

لا انا مش معاكى ف رأيك
الاعتذار مش بيموت بس وقته المناسب اللى ممكن يتقبل فيه الاعتذار بيموت

wafaa said...

حسام غانم

متشكرة جدا جدا جدا
ونورتنى بزيارتك

ريمان said...

هو ده الكلام بجد


الله يفتح عليكى

لكل الناس said...

السلام عليكم ورحمة الله

لما كل مرة تصلح الغلطة بكدبة كده أهنت دينك مش ذكائك بس

لأن المسلم لا يكذب
ولما تعتذر لميت يبقى انت أصلا مش إنسان

لكن ممكن لو تاب توبة نصوحا إلى الله فإن الله يقبله
فيارب تب علينا لنتوب
وكلنا ممكن أن نتعرض لهذا أعنى أننا من الممكن أن نكون مدينين لأشخاص أموات ولن ندخل الجنة إلا إذا اعتذرنا وسامحونا فيارب إنى قد عفوت عمن أخطأ فى حقى فاجعل من أخطأت فى حقهم يغفرون لى

وأشكرك على هذه الكلمات الرقراقات الجميلة التى تنساب بين أذهان الناس كل يراها حسب رؤيته وخبراته وتاريخه مع الكلمات

wafaa said...

ريمان

ربنا يخليكى ليا يا رافعة معنوياتى

wafaa said...

لكل الناس

وعليكم السلام ورحمة الله
شكرا لتعليقك اللبق
اضاف الكثير لكلماتى المتواضعة
شرفتنى زيارتك

arsenalwy said...

جميل اوى البوست ده

صحيح الواحج كان فين لما ساب نفسه يغلط ويغلط ويرجع يعمل نفس الغلطة

احييكى على كلامك المعبر فى البوست ده

wafaa said...

arsenalwy

اهلا بيك فى اول زيارة عندى
شكرا لرأيك واتمنى يكون الكلام ليه صدى فى حياتك مش مجرد كلمتين سمعتهم وبخ طاروا
:)

wafaa said...

esraa

ليه كده يا توتا ؟

Anonymous said...

وين التسامح ؟
مابصدق ها الكلمات من قلبك الحباب
مابعرف كيف كنتى تبعثين فينا الامل والان بتدمرى اى امل فى مسامحتك لمخطىء
!!!!!!!!!!!!!!!!!!!!!!!!!

Anonymous said...

عندك حق عدى الوقت خلاص

فعلا احنا بنهين كل حاجة فعلا

موضوع جميل

تحياتي

wafaa said...

حازم

الاعتذار خلق والمفروض كلنا نكون اخلاق عالية
ولكن التسامح فضيلة وانا مش افلاطون ولا عايشة فى المدينة الفاضلة
شكرا لمرورك

wafaa said...

white heart

شكرا لمرورك

Anonymous said...

لم يقتصر وجود التسامح على المدينة الفاضلة ولكنه فى القلب الفاضل

الطريق إلى الجنة said...

السلام عليكم ورحمة الله

نعم عدى الوقت خلاص

لو نعرف قيمة الوقت كنا حنفكر ألف مليون مرة قبل ما نغلط أو نهرب أو حتى نعتذر

كلمات قوية معبرة لكن كنت أتمنى أن تسردى لنا مناسبة هذه الكلمات إن لم يكن عندك مانع

د.توكل مسعود said...

روى الحاكم والبيهقي عن سعد بن أبي وقاص (رضي الله عنه) قال: «جاء رجل إلى النبي (صلى الله عليه وآله وسلم) فقال: يا رسول الله أوصني، قال: عليك بالإياس مما في أيدي الناس، وإياك والطمع فإنه الفقر الحاضر، وصل صلاتك وأنت مودع، وإياك وما يُعتذر منه».

أسعدتنى هذه الخواطر ولكل واحدة منها تأييد من ديننا فهى خواطر صدق وحب ..ووفاء

نفع الله بك

سارة درويش said...

اما تعتذر لميت كده اهنت كل حاجة فيك
وقت ما غلطت كنت مش حاسس انت بتعمل ايه،ووقت ما اعتذرت اللى مات هو اللى مش حاسس انت بتقول ايه..

يمكن يكون الميت مش حاسس بس الاعتذار بيريح ضمير اللى غلط الى حد ما

كلماتك بجد لمستني اوى

funckydoctor said...

أتفق معك لكن هل هى إهانة إذاصدق فى إعتذاره للميت
تحياتى

wafaa said...

حازم

انا بشر يا حازم

wafaa said...

الطريق الى الجنة

وعليكم السلام ورحمة الله وبركاته
لا املك حقوق نشر قصة لم اكن وحدى فيها
ارى التشهير ضعفا وانكسار ، العتاب افضل واعمق فى المعنى
شكرا لمرورك

wafaa said...

د.توكل مسعود

اللهم امين ، جعلنا واياك ممن نرى الحق حقا ويرزقنا اتباعه ونرى الياطل باطل ويرزقنا اجتنابه
سعدت بزيارتك دكتر

wafaa said...

سمو الاميرة سارة

الاعتذار المفروض انه يصحح الغلط بس اما وقته يفوت ولا بيصحح ولا بيريح
شكرا لمرورك اميرتنا

wafaa said...

funcydoctor

الاهانة هى الانتظار حتى فوات الوقت المناسب
هل كان تكبر ام غرور ام عدم اعتراف بالخطأ ؟
وفى جميع الاحوال هى اهانة للفاعل قبل المفعول به

حاسوباتيه said...

ليه مدونتك شويه كلام مش مفتوحه

wafaa said...

حاسوباتية

عشان بعتبرها مكان افضفض فيه مع نفسى
فتحها هيكون فيه تجريح لناس كتير
بس اما يجى وقتها والمكتوب يتقال باسلوب مافهوش اسماء اوعدك هفتحها

بنوتة said...

السلام عليكم
كلامك حلو
بس مش دايما بيكون وقت الاعتذار عدى
لان كلنا معرضين للخطأ وبنحتاج لفرصة للتوضيح او الاعتذار
تحياتى ليكى

رئـــــيسـة حزب الأحلام said...

فعلا الكذب اهانة للادميه كفايه خوفه انه تتفضح كدبتة ادام الناس شاعتها هيبقى شكله وحش اوى
تحياتى بس دة ماينعش اننا ممكن نتسامح لو وعدنا انه مش هيكذب تانى
سلامى

wafaa said...

بنوتة

وعليكم السلام ورحمة الله وبركاته
اعتقد ده بيختلف على حسب الغلطة والوقت
بس فعلا فى حاجات بيفوت الوقت
:)
تورتينى

wafaa said...

رئيسة حزب الاحلام

واما نوصل لدرجة اننا مش عارفين نصدق الوعد انه مش هيكدب تانى
هنسامح ازاى ؟؟

أمير البلانكو said...

وفاء

ازيك

كلماتك قليله

بس فيها معني كبيرررر أوي


ربنا يوفقك ويكرمك يا وفاء

wafaa said...

امير البلانكو

اللهم امين لنا وللمسلمين جميعا
شكرا اميرى

*الطالبة عفو الله *زوزو said...

اعتقد الانسان الاناني المتكبر هو من لا يعرف طريق الاعتذار

و ايه الفايدة لما يعتذر من ميت معتذرش منه و هو حي ليه

طيب ان كان اعتذاره دة حيأذبه و يخليه يعتذر من لي اخظا في حقهم و هما لسة عايشين دي حاجة كويس بس لو غير كدة فمبشفش اعتذاره دة ليه اي لازمة

الانسان طغى و تجبر و مبقاش عارف حدوده للاسف

ربنا يهدينا جميعا و يثبتنا على الحق

موضوع جميل حبيبتي جعله الله في ميزان حسناتك

دمتي في حفظ الله

wafaa said...

الطالبة عفو الله

وحشتينى اوى ليه الغياب ده كله؟
يارب يكون المانع خير
تورتينى ووحشتينى