حاجة كده معرفش دخلت نفسى فيها ليه ولا ازاى ، خلصت كليتى .. وقعدت ف البيت
ومن غير اى مقدمات
...
أخدت قرار جرىء انى اشوف شغل تانى بعيد عن السوفت وير
،بعشق الرسم والالوان ، وبدأت اجهز لأول معرض فنى فى حياتى .. بس طلع الموضوع اكبر من انى مجرد هاوية
اشتغلت كتيرالفترة اللى فاتت وآراء بين مؤيدين ومعارضين ومحبطين من غير اسباب مقنعة ومستخفين بالفن
ومستخسرين سنين تعبى ف حاسبات وتريقة وخلاص
والدماغ الناشفة طبعا ضد الاحباط ، الحمد لله رب العالمين انى بقدر افوت اى كلمة تزعلنى او ممكن اكون اتعودت
أو نحست م الكلام البايخ
يالا مش مهم
دلوقتى هدنة مؤقتة الملم فيها لوحاتى اجهزهم للشوط قبل النهائى
انا مقتنعة جدا ان من حق كل واحد انه يستمتع بشغله فى حاجة بيحبها
مستعدة انى اسمع اى محاولات احباط او تشجيع
.....
اشوفكم فى النهائى بقا
يارب مايكونش بعده فيه ماتش اعتزال
سلااااام
وفاء
11 comments:
حمد الله على السلامه يا فنانه
والصبر حلو برضه
حمد لله علي السلامه
وربنا يكون في عون حضرتك
دعوات حضرتك
حمد الله على السلامه
يابو اجمل لوحات ورسومات
حمد الله على السلامه
وان شاء الله هتحققى كل اللى تتمنيه وتبقى احلى رسامه فى مصر طالما عندك الامل
والطموح
لالا بصي
انا اول مره ادخل مدونتك
بقلك ايه
اعملي اي حاجه بتحبيها
وعن اقتناع وسيبك من اي كلام محبط او يهزك
خالص استمتعي بحياتك بطريقه اللي تعجبك
ولا تهتمي
كل انسان لازم يعمل الحاجه اللي هو عاوزاها وميضيعش عمره في تعليقات او اعترضات تهمده وملهاش اي لزمه
ربنا يوفقك
وطلما مقتنعه وحابه الحاجه هتنجحي
ربنا معاكي
صوت من مصر
الله يسلمك
زى ما تكون كده بتتريق على الفنانة يا كيمو
بس ماااااااشى
وبشر الصابرين
حسن
الله يسلمك
ربنا يكون ف عونك فى مزاكرتك
شد حيلك عايزين نفرح بنتيجة حلوة
romancy
الله يسلمك ويسلم بيتك والبيت اللى جنب بيتك يا رافع معنوياتى
سمكة واحدة
اهلا بيكى وان شاء الله ماتكون اخر مرة
ايوااااااااا
ادى كلام البنات الجدعة
بالتوفيق
انسان وبس
أمين
شكرا لمرورك
بسم الله ما شاء الله
مبروك يا قطة
كده يا خاينة ماتقوليليش؟؟
بس بجد رغم اني مستغربه التحول ده
بس مبسوطة عشانك قوووووي
وسيبك من اي كلام بايخ
على رأيك خلاص نحسنا
عايزة أكلمك كتييييييييييير
وأعرف كل التفاصيل
مبروك تاني يا فوفتي
:-*
Post a Comment