صدقت معنى اننا بنتعلم من الشوك اكتر من الورد
وجع الشوكة بيخلينا نقدر جمال الوردة
وناخد بالنا من الشوك فى حياتنا بعد كده
------------------------------------------
فرحت بصاحب اعرفه من سنين ، السنة دى بقا اقرب ليا من نفسى
سمعنى كتير ، وشال معايا هموم كتير ، فرح معايا ، اتصدم معايا
واتوجع معايا من الشوك اللى فى ايديا
شجعنى انى اكتب اى حاجة وكان اول واحد بيقراها
أد ايه بفرح برأيه ، و اما يقولى انى بقول كلام جواه مش عارف يقوله
حسسنى فعلا ان وجود الاصدقاء نعمة فى حياتنا ، اسمه صديقى الصدوق
...
ويارب السنين الجاية نكون اقرب
----------------------------------------------------
اخر حاجة هي كلمة قريتها عجبتنى ولخصت السنة فى حروفها
إن القلوب اذا تنافر ودها - مثل الزجاج كسرها لا يجبرُ
وكمان
كى تكتب لا يكفى أن يهديك احدهم قلماً وورقة ، بل يجب أن يجرحك احد لحد الكتابة
------------------------
انت بقا ، 2008 كان شكلها ايه معاك ؟؟
اتأخر البوست ده كتير بسبب النت المتجنن عندى
24 comments:
ربنا يخليكوا لبعض دائما
فعلا المقولتين اللي كتبتيهم اكثر من معبرين
دمتي بخير
كل عام وانتى بخير وصديقك بخير
جميل جدا ان يكون اصدقائنا هم حياتنا
اما 2008
فهى سنة غريبة لم تكلل بأى نجاح او فشل .مرقت وكأنها ما اجت
" اذا طعنك احد من الخلف فتأكد انك فى المقدمة "
كانت من اوقع ما قرأت
ازيك يا وفاء
ايه أخبارك؟؟أنا دكتور مادو(حاول تفتكرنى)
لما أحب أخد جرعة رومانسية بأدخل مدونتك
أجمل حاجه ف الكون هى الصداقة اللى بجد
يا بختك
بالنسبة ل 2008 كانت بالنسبالى سنه فاصلة بين الحياة النظرية و العملية
اما أحداث 2008 العالمية
ادخلى ع اللنك ده و اختارى اليوم و الشهر لو عاوزه تفتكريها
كل سنه و انتى طيبة
http://www.masrawy.com/News/DynamicServices/Retro08AR3112/index1.htm
كان العام 2008 مثالا جيدا لي
في الاختلاف والنقيض
بين الأفراح والسعادة
بين الوفاق والنفور
كانت به أحزان كثيرة
مرت بقسوة شديدة
لكنني والحمد لله كنت صامدا
بلا هواده مع من سببوها لي
لكني لم أؤوذي أحد
بل كلهم أرادوا لي الجرح العميق
غير أن لي نفس والحمد لله
أراد الله له قوة
تستعصي على هذيان الأخرين
الذين لا هم لهم إلا
أن يجعلوا الحزن مرسوما على وجوه الأخرين
حسن حنفى
يارب دايما
شكرا لوجودك وكل سنة وانت بكل خير
حازم
وانت بخير،تمنياتى ب 2009
احلى من اللى قبلها وتكللها بالنجاح ان شاء الله
دكتر فارس مش خيبان
ايه يا مادو التغيير ده؟ هليك مادو احلى
برغم صعوبة الحياة العملية لانها مبهمة ومش عارف تروح فين ولا تيجى منين بس احلى من النظرى بكتير ، ممتعة اكتر
شهادة اعتز بيها ويارب دايما منورنى
احمد حشمت
وجعتنى كلمة " لا هم لهم الا ان يروا الحزن مرسوم على وجوه الاخرين"
مؤلم جدا ان نعرف اشخاص ونعرف غايتهم من معرفتنا
ربنا يقويك
قد ايه جميل ان الواحد يلاقى الصديق الى يفهمه ويشيل عنه ويتوجع لوجعه ويكون جمبك فى شدتك حقيقى معنى الصداقه الى بجد ده بيكون اسمى معنى فى الوجود ومش بنلاقيه بسهوله وجميله اوى المقوله الى فى اخر
البوست
تحياتى لقلمك واحساسك الجميل واتمنى لكم دوام الصداقه.
السلام عليكم
ربنا يخليكم لبعض يا رب
ويديم الموده اللى بينكم
فعلا الصداقه بقت شىء نادر فى الزمت ده
تحياتى ليكى
MISS GH
شكرا لمرورك الجميل
ومتابعتك
ربنا يخليكوا لبعض
ممكن بقى اعرف مقاطعانى ليه؟؟؟
كى تكتب لا يكفى أن يهديك احدهم قلماً
وورقة ، بل يجب أن يجرحك احد لحد الكتابة
فعلا عندك حق لقد صدقتى القول
تحياتى
في 2008 تعلمت أن الحب كزهرة ,, جميلة و هادئة .. ولكنها وقت الدفاع تجرح .. ثم تموت
ريمان
وعليكم السلام ورحمة الله
فعلا بقت شئ نادر بس اول ما نلاقيه بيعوض حاجات كتير فاتت
blue wave
شكرا دكتر
مش مقطعاك ولا حاجة بس النت كان فاصل عندى 10 ايام وكام يوم عليهم انقطاع عن الدنيا كلها
وعدنا الى قواعدنا سالمين
zainab almosalamy
شكرا لمرورك ومتابعتك
قطرات من شواطئ الحياه
ما اقساه هذا الدرس
في حاجة كتيرة بتخلي الواحد يكتب
بس أنا في أعتقادي اللي يجرحنا مش لالزم نكتب عنه لانه كده بنديله قيمة
لكن لازم نلغية خالص من الذاكرة كأنه لم يكن
happy new year ya gamleaa
السلام عليكم اذيك يا وفاء
بجد انا متأسف على غايبى عن التدوين
هوا فان صوره القطه بتعتك
ربنا يخلى حبك دائما وميحرمكيش منو والغائب حاضر والحاضر غائب مستنيكى
sabrina
happy new year you too
ادم المصرى
ياااااه كل ده ؟؟
حمدلله على السلامة ويارب تكون اخر مرة تهرب كده
Post a Comment