عدى عليا من محمد هشام
اذكر 16 صفة عن نفسك ؟؟
ليه 16 يعنى ؟ اقولك : صبورة -عنيدة -مش بعرف اشتغل غير الحاجة اللى بحبها -مش اى كلمة تزعلنى - ومش اى اعتذار يصالحنى - بحب البحر - بحب الكتابة - بعشق الرسم والالوان - بحب الشعر - وكسلانة فا مش قادرة اكتب حاجة تانى نكتفى ب 11
أذكر أحلاما تخص ماضيك كنت هتتخلى عن إيه فيها وهتتمسك بأيه لحد دلوقتى ؟
كان حلمى لشغلى انى اكون رائده فضاء ولحد ما دلوقتى مش عارفة كان المفروض اعمل ايه ولا ادخل كلية ايه عشان احقق حلمى , اعتبرته حلم طفولة وخلاص
وكان حلمى لحياتى انى اعيش فى جزيرة مافيهاش ناس كتير وعندى مركب وحصان ومراجيح وصاحبتى تكون معايا بس برده كان حلم طفولة
مش بايدى انى اتخلى او اتمسك بحاجة فيها لانه كان فعلا حلم مافيهوش اى حقيقة ولا ينفع يكون فيه
أذكر أحلاما تخص مستقبلك وماتتمناه منه ؟
اول ما دخلت حاسبات اتطورت احلامى شوية وبقا ممكن احلم ان حلمى يتحقق وهو انى اكون ف التيم وورك بتاع الويندوز ولكنها مازالت احلام ولسه بدور على شغل
أذكر شخصين -على الأقل- متواجدين فى حياتك كنت تتمنى وجودهم من قبل ؟
احمد وسمسم و يوسف
أذكر شخصين غير متواجدين فى حياتك وتتمنى وجودهم مستقبلا في حياتك وحياة أولادك ؟
دول هيطلعوا مين بقا ؟؟ مش عارفة
................................................شكرا يا بشمهندس ... واحب امرر التاج ل
سكر
mr.Gkiller
عم احمد رفعت
حازم............
وفاء
4 comments:
والله ما انى قادر احكى هلق
بكرة ان شاءالله بجاوب التاج
بس ماشاالله شو ها الاحلام؟؟
الله يوفقك بمستقبلك وتلمسى احلامك بيدك
ومين بيكون احمد وسمسم ويوسف اذا ما فيه تدخل بخصوصياتك؟
اوك حازم جاوب وقت ما تحب
وادعيلى ابدأ خطوة في طريق احلامى
واحمدو سمسم ويوسف دول اغلى الناس الى عرفتهم ف حياتى
وفاءءءء
تسلمي على التاج الجميل ده
احلام جميله
وصفات كويسه اوي
ربنا يوفقك دايما يا وفاء
شكرا شكرا
يالا رد بقا وفرجنا ع الفضايح
Post a Comment