كلمات علقت معايا
===========
انا شاب لكن عمرى ولا الف عام
وحيد ولكن بين ضلوعى زحام
خايف ولكن خوفى منى انا
اخرس ولكن قلبى مليان كلام
عجبى
--------------
شفت الخوف كأنه كلب سد الطريق
وكنت عاوز اقتله بس خفت
عجبى
--------------
يا عندليب ماتخافش من غنوتك
قول شكوتك واحكى بلوتك
الغنوة مش هتموتك
انما كتم الغنا هوه اللى هيموتك
عجبى
--------------
ليه يا حبيتى ما بينا دايما بحور
اعدى بحر الاقى غيره اتحفر
عجبى
--------------
حبيت لكن حب من غير حنان
وصاحبت لكن صحبه مالهاش امان
رحت لحكيم واكتر لقيت بلوتى
ان اللى جوه القلب مش ع اللسان
وعجبى
--------------
13 comments:
تسلم ايدك يا وفاء على الكلام الجميل
وطولتي الغيبه علينا يا وفاء
عدناااااااااااااااا
جميل جدا
تسلم ايدك اللى نقلت
تحياتى
احمد
اهلا احمد
نورتنا
تحيانى
الخوف كلب سد الطريق ؟؟
يا بنتى الخوف اصبح الطريق شخصيا من حاجة ساداه
ماينفعش حد يتكلم بعده بجد
اختياراتك جميله
(:
semsem
ايه الغيبة دى ؟؟
ويوم ما ترجع... ترجع خايف !!!
اهلا اسراء نورتينى بجد
اصل بعد الربعيات صعب اوى التعليق بس بجد اختيار الفقرة جميلة جدااااااا
حبيت لكن حب من غير حنان
وصاحبت لكن صحبه مالهاش امان
رحت لحكيم واكتر لقيت بلوتى
ان اللى جوه القلب مش ع اللسان
وعجبى
اي تعليق ..انا عارفه..مش هيبقى لصالحي
اختيااااار راااائع
تحيااااااتي
دمت بخير
نونو
اهلا بيكى فى بيتى المتواضع
غادة
اهلا بيكى
زورونا تجدوا ما يسركم
فيين باقى الرباعيات يا وفاء
مستنياكى
Post a Comment