Egypt

حمد لله على السلامة يا مصر

ايوه ... فعلا

عارف احساس اللى من كتر ما حب حد كرهه ؟؟
انا فعلا من الحب قربت اكره
اما حبيت .. كان نفسى اشوف اللى بحبه اجمل حاجة فى الدنيا
تفكيره صح
وعنده كرامة
ورأيه حر
وكل الصفات الجميلة اللى تقوى حبى باحترامى للحبيب ده
.......
وطبعا ده مش لاقياه فيكى يا مصر
عماله تصغرى تصغرى لحد ما هتختفى

كانو بيقولو عليا مجنونة ويقنعونى ان مفيش فايدة وإنى عايشة ف وهم
....... يمكن عشان كان عندى امل ف يوم اشوفك احسن بلد
يا خسارة يا بلدى
كان نفسى تحبينى زى ما حبيتك
......
وفاء

جنون العقل

اول علامات الجنون انك تكلم نفسك

وتانى علاماته انك تسمع نفسك بترد عليك

وتالت علاماته انك تتناقش معاها

و طبعا مقدرش أتجاهل الدور التاريخى للعقل فى انه اثبتلى عقلانية الجنون

شكرا يا عم العقل

حكمة اليوم :عيش مجنون ، تموت عاقل
....
وفاء

وحشانى يا بلدى

ليه الواحد بيحس انه بلده وحشاه اوى

برغم انه عايش فيها وعمره ما اتغرب عنها؟؟

....

وفاء

اهلا يا شتا

ارتبط الشتا عند ناس كتير بالكاكاو السخن وصوت فيروز
زى ما ارتبط اللون الرمادى بهدوم الشتا
انا نفسى مش عارفة ليه
بس كل ما الجو يبرد بشتاق لكاكاو الصبح واغانى فيروزية
مع ان الاتنين موجودين طول السنة
بس بيدونى دفا اكتر ف الشتا

الشتا ده عايزة أغيير شوية
هدور ع الدفا جوايا ، يمكن أتدفا اكتر من مج الكاكاو وصوت فيروز
مع كامل الاحترام لطقوسى الشتوية
.....
وفاء

حدث فى مثل هذا اليوم

فى 1 اغسطس
1137 - وفاة لويس السادس ملك فرنسا
1148فشلت الحملة الصليبية الثانية فى الاستيلاء على دمشق
1250 تولى السطان عز الدين ايبك الحكم فى مصر بعد زواجه من الملكة شجرة الدر
1498 قام المستكشف الايطالى كريستفر كولومبوس بالوصول لاول مرة للاراضى الامريكية الجنوبية
1579 رفع الصفويون حصارهم عن العثمانيين فى تفليس
1619 وصول اول فوج من العبيد الافارقة الى ولاية فرجينيا الامريكية
1774 اكتشاف عنصر الاكسجين
1818 ولدت ماريا مشيل عالمة الفلك الامريكية
1894 ولد الاديب الانجليزى الدوس هسكلى
1895 ولد السياسى المصرى عبد الرحمن عزام اول امين عام لجامعة الدول العربية
1914 المانيا تعلن الحرب على روسيا - الحرب العالمية الاولى
1938 مولدايف سان لوران مصمم ازياء فرنسى
1950 تسلم الامير بودان عرش بلجيكا خلفا للملك ليوبولد الثالث
1967 احتلت اسرائيل القدس الشرقية
1975 وقعت 39 دولة اروبية على اتفاق هلنسكى للتعاون الاوروبى

حتى جاء عام 1984 وكان الحدث المنتظر اتولدت وفاء سيد اللى قاعدة بتكتب دلوقتى
وتوالت الاعوام حتى جاء العام 2009 وانا قاعدة بكتب البوست ده عشان اعرفكم أد ايه اليوم ده مشرق فى تاريخ البشرية جمعاااااااااااااااااء

.....
وفاء

مسافات

عندما يقترب من اعيننا شىء لا نراه بوضوح

نبتعد عنه قليلا حتى نستطيع روءيته
،

وعندما ننظر الى لوحة فنية نتراجع بضع خطوات وننظر اليها
...

جميلة هذه المسافة اللى مكنتنا من ايضاح رؤيتنا للاشياء

......

و تصبح المسافة قاسية و معذبة عند السفر

فتترك الما كبيرا

يمتزج هذا الالم بالصمت والسكون والصبر

ويصبح هذا المسافر غريب الاهل والدار

وتزداد غربته بفراق احبابه

وتجعل ملامح الغائب محفورة فى ذهن الذاكر على امل ان ينطوى البعد
...

فتصنع هذه المسافة اشتياقا و تنقى الاحساس وترهف المشاعر

ويختلط وجع البعاد بفرحة اللقاء

..............

وحين نسرح بخيالنا ونرحل الى ارض احلامنا

نرسم المستقبل باقلام البهجة ونلونها بالوان المحبة والتفاؤل

...
فتصبح المسافة هى الفرق بين العالم الذى نحياه ، والعالم الذى نتمناه

..................................................................

فادركت ان المسافات تبنى الانسان وتعلمه الصبر والهدوء

ولكى ارى يجب ان اترك مسافة بينى وبين ما حولى

وهكذا ادرك جمال الاشياء

....
وفاء

باركولى يا اصحابى

اخيرا

وبعد تعب وانتظار لليوم ده

جه يوم اقتتاح المعرض

....

واثبت صحة النظرية

اشتغل الحاجة اللى تحبها وسيبك من كلام الناس

واستمتع بوقتك وانت شغال على اد ما تقدر

...

الحمد لله رب العالمين

...............

وفاء

كلام وخلاص

ما اصعب غيابك صديقى

وما أقسى وجودك وغيابك فكرك واحساسك عنى

!!!

just Salamaaaat

حاجة كده معرفش دخلت نفسى فيها ليه ولا ازاى ، خلصت كليتى .. وقعدت ف البيت 

ومن غير اى مقدمات

...

أخدت قرار جرىء انى اشوف شغل تانى بعيد عن السوفت وير

،بعشق الرسم والالوان ، وبدأت اجهز لأول معرض فنى فى حياتى .. بس طلع الموضوع اكبر من انى مجرد هاوية

اشتغلت كتيرالفترة اللى فاتت وآراء بين مؤيدين ومعارضين ومحبطين من غير اسباب مقنعة ومستخفين بالفن

ومستخسرين سنين تعبى ف حاسبات وتريقة وخلاص

والدماغ الناشفة طبعا ضد الاحباط ، الحمد لله رب العالمين انى بقدر افوت اى كلمة تزعلنى او ممكن اكون اتعودت

أو نحست م الكلام البايخ

يالا مش مهم

دلوقتى هدنة مؤقتة الملم فيها لوحاتى اجهزهم للشوط قبل النهائى

انا مقتنعة جدا ان من حق كل واحد انه يستمتع بشغله فى حاجة بيحبها

مستعدة انى اسمع اى محاولات احباط او تشجيع

.....

اشوفكم فى النهائى بقا

يارب مايكونش بعده فيه ماتش اعتزال

سلااااام

وفاء

أهذا هو الأمل ؟

اشتعلت شمعة الامل

، وبدأت فى الضياء

أترى ستنير طريقى ؟

أم ستحترق قبل نهاية السباق ؟؟

-----

وفاء

احتمال

اذا كنت لا تجد ما تبحث عنه

فغالبا انت تبحث فى مكان خاطئ

احكم دائرة البحث

فقد يكون ما تريده بين يديك ولا تراه عينيك

....

وفاء

امتى ؟

ليه بكرة عمره ما بيبقى النهاردة

..

وبيفضل طول عمره بكرة ؟

امتى هتيجى يا بكرة ؟؟

....

وفاء

كلام بجد

ليه الانسان مُصر يهين آدميته؟

اما كل مرة تغلط نفس الغلطة كده اهنت عقلك

اما كل مرة تصحح الغلطة بكدبة كده اهنت ذكاءك

اما تهرب من غير اعتذار كده اهنت شجاعتك

اما تعتذر لميت كده اهنت كل حاجة فيك

وقت ما غلطت كنت مش حاسس انت بتعمل ايه

،

ووقت ما اعتذرت اللى مات هو اللى مش حاسس انت بتقول ايه

..

أنا فعلا آسفة ، عدى الوقت خلاص

....

المدينه تحترق

الدار يا أماه طفل يحترق

هذي ذئاب النار بالأحزان تسرع

خلف حلم يختنق

شرفات منزلنا الصغير

على نحيبك لم تزل

تنشق حزنا .. وألم

والدار يعصرها اللهيب

وصارت الأنفاس فيها كالعدم

* * * * *
النار تسري في مدينتنا وليس لنا مجير

أكلت .. حدائقنا .. مزارعنا

وعصفوري الصغير

أكلت .. جوانحنا .. مدامعنا

وأحرقت الغدير

النار يا أماه أحرقت الغدير

* * * * *
النار يا أمي تحوم على مشارف بيتنا

وأنا أموت على مكاني

.

كل شيء صار نارا حولنا

أترى سنتركها

لتأكل بسمة الأيام والأمل الوليد ؟؟

النار تنهش في الدماء .. وفي النساء .. وفي الحديد

النار تسكر في الزحام

على بقايا .. من شهيد

* * * * *
النار يا أمي على الباب الكبير

والناس تصرخ ، والكبير يدوس على أشلاء الصغير

والمسجد الخالي يذوب مع المآذن يحترق

وعليه صورة طفلة

ركعت على أنفاسها

...

!!! من ذا يصدق أنها ذهبت هناك لتختنق

صلواتها تبكي ، يتوه نحيبها بين الحريق

والمنبر المسكين في وسط الحريق

كأنه طفل غريق

* * * * *
الناس تلقي نفسها بين اللهب

وصراخ أطفال وحزن أرامل

والكل يسأل .. ما السبب ؟؟

النار منا تقترب

النار يا أمي تدمر دارنا

هذي دماء الدار تسقط

من ثنايا .. ثغرها

أكلت عيون الدار

ألقت في اللهيب بسحرها

ذبحت شجيرتنا التي

عشت الحياة بعطرها

* * * * *
الدار يا أماه طفل يحترق

صدري من الدخان

يصرخ .. كاد صدري يختنق

أماه

النار مني تقترب

أماه إني أختنق

أماه

أماه

------

الشاعر المبدع : فاروق جويده

وساد صمت رهيب

اصبحت وامسيت وكأن اليوم لم يأتى بعد ، وتوالت الايام متشابهات لا تحمل أى معنى

نسيت وعدى لنفسى أنى لن اسمح للحزن أن يكون رفيقى

ولن يمر يوم دون أن يترك داخلى شيئا جديدا اتعلمه او اراه او اتذكره

ماذا حدث ؟؟

لماذا تركت الظروف تتلاعب بى ؟ تراجعت فى وجه الرياح وتركت مكانى باحثة

عن مأوى يحمينى من مواجهة نفسى

استقر ذهنى على تعلم لغة جديدة تملأ وقتى ، اخترت لغة

استعذبت حروفها الهادئة ، وتغلغلت موسيقاها داخلى

اتقنت هذه اللغة

واصبحت متعتى هى هذا الحوار الخفى مع عقلى

أجدت لغة الصمت

رأيت فى سطورها الكثير والكثير من المتحدثين الذين لا يسأمون الكلام

وأيضاً لا يدركون معناه

وشعرت بالكثير من السلام النفسى

و وجدتنى أسألنى كثيرا أهي فرصة للتفكير ؟ ام هى طريقة للهرب ؟

....

وفاء

حدث فى 2008

صدقت معنى اننا بنتعلم من الشوك اكتر من الورد

وجع الشوكة بيخلينا نقدر جمال الوردة

وناخد بالنا من الشوك فى حياتنا بعد كده

------------------------------------------

فرحت بصاحب اعرفه من سنين ، السنة دى بقا اقرب ليا من نفسى

سمعنى كتير ، وشال معايا هموم كتير ، فرح معايا ، اتصدم معايا

واتوجع معايا من الشوك اللى فى ايديا

شجعنى انى اكتب اى حاجة وكان اول واحد بيقراها

أد ايه بفرح برأيه ، و اما يقولى انى بقول كلام جواه مش عارف يقوله

حسسنى فعلا ان وجود الاصدقاء نعمة فى حياتنا ، اسمه صديقى الصدوق

...

ويارب السنين الجاية نكون اقرب

----------------------------------------------------

اخر حاجة هي كلمة قريتها عجبتنى ولخصت السنة فى حروفها

إن القلوب اذا تنافر ودها - مثل الزجاج كسرها لا يجبرُ
وكمان

كى تكتب لا يكفى أن يهديك احدهم قلماً وورقة ، بل يجب أن يجرحك احد لحد الكتابة
------------------------

انت بقا ، 2008 كان شكلها ايه معاك ؟؟

اتأخر البوست ده كتير بسبب النت المتجنن عندى

إنقاذ قلب

كنت أحاول كثيراً إقناع نفسي وإقناع الآخرين

أن الفراق يجمعنا بمن نفارقهم في ذكرى جميلة

تواسى بعدهم ، فقد رحل بأحبابنا وترك لنا ذكراهم

ولكني كنت مخطئة تماما ، فهي مجرد كلمات بلا إحساس ، أصبر بها نفسي

فقد كانت هذه الذكريات ناراً تشتعل مع كل مناسبة شاركونا فيها ، وتأبى الخمود

ضعف قلبي وسقط

لم يقوى على المكابرة

! أخيرا استسلمت يا قلب لنار تعيش بداخلك وتشتعل يوما بعد يوم

طالما تمنيت أن تأكل ما بقى من أفكار

وترحل بها عن وجداني

لا أريد أن أتذكر

لا أريد أن تدمع عيناي حزناً وألماً

أو تنطفئ نار قلبي وتصبح رماداً بارداً

!!! ياالله .. أكان الرماد أملاً أنتظره

نعم انتظرته

و النار مشتعلة ولا تنطفئ بصبري وتماسكي

......

حتى أعلنت انهياري

وتركت دموعي و النار تأكل ما تبقى من ذكريات

لعلى استجمع قواي مرة أخرى

بدلا من المكابرة بلا فائدة

.........

كانت هذه الذكريات لأيام غريبة لا اعرف كيف مرت

و لكنى في بدايه لأسترجاع قوتي

و أظننى قوية ومتماسكة لدرجة الاعتراف بهزيمتي

♥ نعم ... لا ذنب لك يا قلبى

ابدأ حياة جديدة ، لا تستسلم لأى تيار يهزمك

استمتع بدفء الحياة وصدقها ، حتى لو كان الدفء والصدق أخر عهدك بالحياة

وأنا معك

........
وفاء

قطار الحياه

لقطات سريعة .. واقعية
نظرات ذائغة .. مرهقة .. واخرى ثابتة تعرف طريقها جيدا
وجوه يكسوها الفرح تارة .. والحزن تارة .. والتعب تارة

ووجوه لا تعرف تفسيرها
طرقات مختلفة
اجواء متلاحقة
بشر يركضون يلهثون
واخرون فاقدوا الوعى بجريان الحياة من حولهم
واخرون يمسكون الدنيا بأديهم وغير مبالين بما يملكون
...
هى صور للحياة من نافذة القطار
.....
وفاء

Happy Eid

كل عيد وكل واحد زى ما هو عايز

والعيد الجاى ان شاء الله يكون زى ما هو يتمنى

....

وفاء

اجازة

ساعات تكون الدنيا ماشية ولذيذة و بدأت تستمتع بالحياه
تحصل حاجة فجأة , تلخبط كل حاجة
اقف مكانى وانا مش عارفة اروح على فين ولا اعمل ايه
ولا عارفة انا فرحانة ولا زعلانة
بس مستغربة

حاجات كده مش فاهمة ايه جابها فى تفكيرى
محتاجة اختفى شوية.. ليه ؟ مش عارفة

وردة عنيدة

وردة مُحبة للحياة
تفتحت برغم قسوة ما يحيط بها
أشرقت بإبتسامة امل
لعل الصخر يُزهر ويغدو روضاَ جميلاَ
....
وفاء

زكريات

ما أصعبها هذه الظروف التى اجبرتك على التراجع عن احلامك
وما اضعفك حتى تستسلم هكذا
ما هى الحياة الا لحظات تحياها
فترسم الفرح
و تحفرالجرح
تخلد بداخلك المواقف
و تسطر الزكريات
.....
ماذا يحدث اذا مات الاحساس ؟
فأصبحت لا تشعر بالفرح ولا تدرك معنى الحزن
تشابهت الايام
شاخت الاحلام
بردت الدموع
فاصبحت مجرد قطرات تنساب حتى تختفى
لا تحمل بداخلها اى احساس او معنى
........

يا من سرقت بهجة الحياه

وتركت الحياة بلا حياة

رد للحياه معناها

او امحو للزكريات محتواها

......
وفاء

رسالة مجهولة

تشرق الشمس فى السماء

ولا تمشى على الارض

فقط , يصل الينا ما منحته إيانا من دفء وضياء

فكن مثلها عالياً فى عطائك .. متواضعاَ فى علوك

....

وفاء

أوراق و زكريات

بينما اقلب فى كتاب زكرياتى رأيت صفحات مشرقة جميلة وصفحات قاتمة اتهرب حتى من مرورها بذهنى ولكنها باقية فى أفكارى وفى اوراقى
..
كانت الصفحة الاولى لأيام من عمرى كنت ابذل كل جهدى لأسعد غيرى , وأقول لنفسى غدا سيقدرون ما افعل لاجلهم .. لم انتظر الشكر يوما , ولكنها قاسية نظرة الجحود والنكران
..
اسرعت بطى هذه الورقة لا اعرف لماذا
..
وكانت التالية مشرقة قليلا
كانت بدايتى فى طريق احلامى التى لم المسها بعد ولكن سعادة البداية اضاءت الصفحة
..
والثالثة كانت لأصدقاء عمرى , ما بين حاضر وغائب ومفارق
..
وتوالت الصفحات تحمل بداخلها الزكريات من الافراح والاحزان
..
حتى وصلت لاخر ما كتبت كان قرار بأن لا ادون زكرياتى وان حياتى اجدر بى ان انساها من ان اتذكرها يوما , كم احزننى قرارى الاهوج هذا
...
فادركت الفرق بين فرحة النجاح ومرارة الفشل
وكذلك قسوة القرارات فى وقت الالم وتسرعها
وإياى والندم على ما فعلت لأجل من احبهم ,
سوف يتذكرونى وقت لا يجدون من يضحى من اجلهم
وسيذكرون ايامى بالخير دوما
....
وفاء